మెగాస్టార్ బర్త్​డే విషెస్​తో 'జోంబీ రెడ్డి' మోషన్ పోస్టర్

'అ!' ఫేమ్ ప్రశాంత్ వర్మ దర్శకత్వంలో తెరకెక్కుతోన్న చిత్రం 'జోంబీ రెడ్డి'. శనివారం చిరంజీవి పుట్టినరోజు పురస్కరించుకుని ఈ సినిమా మోషన్ పోస్టర్​ విడుదల చేసింది చిత్రబృందం.

'అ!', 'కల్కి' లాంటి వినూత్న చిత్రాలతో అలరించిన దర్శకుడు ప్రశాంత్ వర్మ. ప్రస్తుతం 'జోంబీ రెడ్డి' పేరుతో తీస్తున్న ఈ ప్రాజెక్టుకు సంబంధించిన ఫస్ట్​లుక్​ టీజర్​ను ఇటీవలే విడుదల చేశారు. తాజాగా శనివారం చిరంజీవి పుట్టినరోజు పురస్కరించుకుని శుభాకాంక్షలు తెలుపుతూ ఓ మోషన్​ పోస్టర్​ను రిలీజ్ చేసింది చిత్రబృందం.

ఈ సినిమాలో కరోనా నేపథ్య కథాంశం ఉండనున్నట్లు తెలుస్తోంది. నిజ జీవిత సంఘటనల ఆధారంగా దీనిని రూపొందిస్తున్నారు. మార్క్ రాబిన్ సంగీతమందిస్తున్నారు. ఆపిల్ ట్రీ స్టూడియోస్​ పతాకంపై రాజశేఖర్ వర్మ నిర్మాతగా వ్యవహరిస్తున్నారు.