మెగాస్టార్ చిరంజీవికి పుట్టినరోజు శుభాకాంక్షలు వెల్లువెత్తుతున్నాయి. సినీ ప్రముఖులతో పాటు పలువురు బర్త్డే విషెస్ తెలుపుతున్నారు. మెగాస్టార్ సోదరుడు పవన్ కల్యాణ్ ఇప్పటికే అన్నయ్యపై ఉన్న ప్రేమను ప్రత్యేక లేఖ ద్వారా తెలపగా.. మెగా హీరోలు రామ్చరణ్, అల్లు అర్జున్, సాయిధరమ్ తేజ్ శుభాకాంక్షలు తెలిపారు. సంగీత దర్శకుడు దేవీ శ్రీ ప్రసాద్ చిరుకు తనదైన శైలిలో పుట్టినరోజు విషెస్ తెలిపాడు.
"నాతో పాటు మిలియన్ల మందికి మీరు స్ఫూర్తి, గురువు, మార్గనిర్దేశకుడివి. వారందరూ మిమ్మల్ని మెగాస్టార్ అని పిలుస్తారు. నేను అప్పా అని పిలుస్తా. పుట్టినరోజు శుభాకాంక్షలు అప్పా. ఇదేవిధంగా మా అందరికి స్ఫూర్తి కలిగిస్తూ ఉండాలి".
-రామ్ చరణ్, మెగా హీరో
"నా జీవితంలోని మెగాస్టార్కు పుట్టినరోజు శుభాకాంక్షలు. మీరు ఒక హీరోనే కాదు అంతకుమంచి మంచి వ్యక్తి. నేను చూసిన వ్యక్తుల్లో వినయపూర్వకమైన వ్యక్తి మీరు. మీ నుంచి ఎంతో నేర్చుకున్నా.. ఇంకా నేర్చుకుంటున్నా".
-అల్లు అర్జున్, హీరో
"మామయ్యకు పుట్టినరోజు శుభాకాంక్షలు. మీ ద్వారా సినిమాల్లోకి రావడం నా అదృష్టం".
-సాయి ధరమ్ తేజ్, హీరో
పుట్టినరోజు శుభాకాంక్షలు మెగాస్టార్. నా సంతోషం, స్ఫూర్తి మీరు. లవ్ యూ డాడీ
-వరుణ్ తేజ్, మెగా హీరో
"నా హీరో, నా ధైర్యం, నా నమ్మకం, నా గురువైన నాన్నకు జన్మదిన శుభాకాంక్షలు. స్ఫూర్తికి మారుపేరు మీరు".
-సుస్మిత కొణిదెల, చిరంజీవి కూతురు
"మీరు సూర్యుడు వైపు నడవండి.. మీ నీడ లాగా మిమ్మల్ని ఫాలో అవుతాం. మా అందరికీ మీరే గొప్ప స్ఫూర్తి. మీరు ఎల్లపూడూ మా మెగాస్టార్".
-కౌశల్ మండ, బిగ్ బాస్ 2 విజేత