యంగ్ టైగర్ ఎన్టీఆర్ తొలిసారి త్రిపాత్రాభినయం చేసిన సినిమా 'జై లవకుశ'. బాబి దర్శకుడు, కల్యాణ్రామ్ నిర్మాత. రాశీఖన్నా, నివేథా థామస్ కథానాయికలు. దేవీశ్రీ ప్రసాద్‌ స్వరాలు అందించాడు. ఈ సినిమా విజయ దశమి కానుకగా 2017 సెప్టెంబర్ 21న ప్రేక్షకుల ముందుకు వచ్చింది.
జై లవకుశ సినిమాలో 'నీ కళ్లలోన కాటుక ఓ నల్ల మబ్బు కాదా...' అని సాగే వీడియో సాంగ్ తాజాగా 100 మిలియన్ల వీక్షణలతో రికార్డు సృష్టించింది. తారక్ కెరీర్లో ఈ మైలురాయి అందుకున్న తొలి పాటగా ఘనత సాధించింది.