Saidharam tej new movie: రోడ్డు ప్రమాదంలో గాయపడి కోలుకున్న యువ కథానాయకుడు సాయిధరమ్ తేజ్ తన కొత్త చిత్రాన్ని ప్రారంభించేందుకు సిద్ధమయ్యాడు. ఈ నెల 28న సుకుమార్ , బాబీ నిర్మాతలుగా సినిమా మొదలుపెడుతున్నట్లు తెలిపాడు. ఆరు నెలల తర్వాత గొంతు విప్పిన సాయి ధరమ్ తేజ్... ప్రత్యేక వీడియో విడుదల చేశారు. తన ప్రాణాలు కాపాడిన వైద్యులు, వైద్య సిబ్బంది, సకాలంలో ఆస్పత్రిలో చేర్చిన సయ్యద్ కు ప్రత్యేక కృతజ్ఞతలు తెలిపాడు. కుటుంబసభ్యులు, అభిమానులకు రుణపడి ఉంటానని పేర్కొన్నాడు. ద్విచక్రవాహనం నడిపేటప్పుడు తప్పనిసరిగా హెల్మెట్ ధరించాలని కోరిన సాయిధరమ్ తేజ్... హెల్మెట్ ఉండటం వల్లే ఆ రోజు ప్రమాదంలో తాను బతికానని వెల్లడించాడు.
KGF2 trailer: అభిమానులు ఉత్కంఠతతో ఎదురుచూస్తున్న సినిమాలో 'కేజీఎఫ్ 2' కూడా ఒకటి. కన్నడ రాకింగ్ స్టార్ యశ్ నటించిన ఈ సినిమా వచ్చే నెల 14న దేశవ్యాప్తంగా థియేటర్లలో విడుదల కానుంది. ఈ నేపథ్యంలో ప్రమోషన్స్ను ప్రారంభించింది చిత్రబృందం. ఇందులో భాగంగానే మార్చి 27న బెంగళూరులో ట్రైలర్ లాంఛ్ ఈవెంట్ నిర్వహించనుంది. సాయంత్రం 6.40గంటలకు ప్రచార చిత్రాన్ని విడుదల చేయనుంది. బాలీవుడ్ నిర్మాత కరణ్జోహార్ ఈ కార్యక్రమానికి హోస్ట్గా వ్యవహరించనున్నారు. కన్నడ స్టార్ శివరాజ్కుమార్ చీఫ్ గెస్ట్గా రానున్నారు. కాగా, ఇటీవలే ఈ సినిమాలోని 'తుఫాన్' గీతం విడుదలై రికార్డులు సృష్టిస్తోంది.