హీరో విజయ్ దేవరకొండ.. 'డియర్ కామ్రేడ్'తో ఈ ఏడాది వెండితెరపై సందడి చేశాడు. ప్రస్తుతం 'వరల్డ్ ఫేమస్ లవర్' సినిమాలో నటిస్తూ బిజీగా ఉన్నాడు. వచ్చే వాలంటైన్స్ డే కానుకగా ఈ చిత్రం ప్రేక్షకుల ముందుకు రానుందట. దీనిపై అధికారిక ప్రకటన రావాల్సిన అవసరముంది.
ఈ సినిమా చివరి షెడ్యూల్తో పాటు, నిర్మాణనంతర కార్యక్రమాలను ఏక కాలంలో పూర్తి చేయనున్నారు. ఇప్పటికే వచ్చిన ఫస్ట్లుక్ ఆకట్టుకుంటోంది. ఇందులో రాశీఖన్నా, ఐశ్వర్య రాజేశ్, కేథరిన్, ఇస్బెల్లా హీరోయిన్లుగా నటిస్తున్నారు. గోపీసుందర్ సంగీతమందిస్తున్నాడు. క్రాంతి మాధవ్ దర్శకుడు. కె.ఏ.వల్లభ నిర్మిస్తున్నారు.