'ఆయనతో నటించడం అంత తేలిక కాదు'

హీరో విక్టరీ వెంకటేశ్​తో నటించడం అంత తేలికైన విషయం కాదంటున్నాడు కథానాయకుడు నాగచైతన్య. 'వెంకీమామ' షూటింగ్​లో ఆయన దగ్గర నుంచి ఎన్నో విషయాలు నేర్చుకున్నా అంటున్నాడు ఈ అక్కినేని వారసుడు.

కథానాయకుడు నాగచైతన్య 'ప్రేమమ్'​ చిత్రంలో అతిథి పాత్రతో అలరించాడు విక్టరీ వెంకటేశ్. ఇప్పుడు వీరిద్దరూ కలిసి 'వెంకీమామ' అనే మల్టీస్టారర్​లో నటిస్తున్నారు. షూటింగ్ శరవేగంగా సాగుతోంది. ఇటీవల జరిగిన ఓ ఇంటర్వ్యూలో సినిమాకు సంబంధించిన పలు ఆసక్తికర విషయాలు పంచుకున్నాడు అక్కినేని అబ్బాయి.

"ఆన్​స్క్రీన్​ అయినా, ఆఫ్​స్క్రీన్ అయినా వెంకటేశ్ మామ అందరికీ నచ్చే వ్యక్తి. ఆయనతో కలిసి నటించడం, కామెడీ పండించడం చాలా కష్టం. షూటింగ్​ను ఎంజాయ్​ చేస్తూనే ఆయన దగ్గర ఎన్నో విషయాలు నేర్చుకున్నా. ఈ సినిమా అభిమానులను అలరిస్తుందని నా నమ్మకం". -నాగచైతన్య, హీరో

వెంకీమామ సెట్లో నాగచైతన్య, వెంకటేశ్​ సందడి

'వెంకీమామ' సినిమాలో రాశీఖన్నా, పాయల్​ రాజ్​పుత్​ హీరోయిన్లుగా నటిస్తున్నారు. బాబీ దర్శకత్వం వహిస్తున్నాడు. సురేశ్ బాబు నిర్మాతగా వ్యవహరిస్తున్నారు. వచ్చే నెల చివర్లో ఈ చిత్రం ప్రేక్షకుల ముందుకు వచ్చే అవకాశముంది.

ఇదీ చూడండి: భర్తను ఏడిపించిన ప్రియాంక చోప్రా!