'అసాధ్యమైనా.. చేయగలను అనుకుంటున్నా'

తనను సాయం కోరుతూ పోస్ట్​ ద్వారా వచ్చిన ఉత్తరాలకు సంబంధించిన ఓ ఫొటోను సోషల్ ​మీడియాలో పోస్ట్​ చేశారు బాలీవుడ్ ప్రముఖ నటుడు సోనూసూద్​. ఏదో ఒకరోజు తప్పకుండా ఈ లేఖల సంఖ్య తగ్గుతుందని ఆకాంక్షించారు.

లాక్​డౌన్​లో వేల మంది పేద ప్రజలకు అండగా నిలిచారు బాలీవుడ్​ నటుడు సోనూసూద్​. ఇప్పటికీ సాయం కోరిన వారిని ఆదుకుంటూ తన మంచి మనసును చాటుకుంటున్నారు. తాజాగా తనను సాయం కోరుతూ పోస్ట్​ ద్వారా వచ్చిన ఉత్తరాలకు సంబంధించిన ఫొటోను నెట్టింట్లో పోస్ట్​ చేశారాయన. ఇందులో వేల సంఖ్యలో లేఖలు నేలపై పడి కనిపిస్తున్నాయి.

"ప్రతి రోజూ సాయం చేయండంటూ నాకు ఉత్తరాలు వస్తూనే ఉన్నాయి. ఇది అసాధ్యమని తెలుసు. కానీ తప్పకుండా వీరందరినీ ఆదుకుంటానని అనుకుంటున్నా. చూద్దాం ఈ ఉత్తరాల సంఖ్య ఎప్పటికీ తగ్గుతుందో" అంటూ సోనూ వ్యాఖ్య రాసుకొచ్చారు.

ఇదీ చూడండి 'చిరుతో రెండు రీమేక్​లు అలా కుదిరాయి'