'విడాకులు తీసుకోవడమే అతిపెద్ద వైఫల్యం'

తన జీవితంలో విడాకుల తీసుకోవడం అతిపెద్ద వైఫల్యమని చెప్పాడు హాలీవుడ్ నటుడు విల్​స్మిత్. మరోవైపు నటి ఏంజెలీనా జోలీ.. బ్రాడ్​పిట్​తో విడిపోవడానికి గల కారణాలను వెల్లడించింది.

మొదటి భార్య షెరీ జంపినోతో విడాకులు తీసుకోవడమే తన జీవితంలో అతిపెద్ద వైఫల్యమని అన్నాడు హాలీవుడ్​ స్టార్ విల్​స్మిత్. ఫాదర్స్​డే సందర్భంగా రెడ్​టేబుల్​ షోలో మాట్లాడుతూ ఈ విషయాల్ని పంచుకున్నాడు. తన విజయాలతో పాటు జీవితంలోని అనేక విశేషాలను వెల్లడించాడు.

"విడాకులు తీసుకోవడం నా జీవితంలో నిరుపయోగమైన విషయం. ఆ సంఘటన నా జీవితంలో అతిపెద్ద వైఫల్యం. ఆ సమయంలో నేను చాలా బాధపడ్డాను. అయితే అలా చేయాల్సిన పరిస్థితులు ఏంటో అర్థం కాలేదు"

విల్​స్మిత్​, హాలీవుడ్​ నటుడు

1992-1995 వరకు షెరీ జంపినోతో ఉన్న విల్​స్మిత్.. 1997లో పింకెట్​ను పెళ్లి చేసుకున్నాడు. ఇప్పటివరకు చాలా ఆనందమైన జీవితాన్ని గడుపుతున్నారు. వీరికి జేడెన్​ అనే కుమారుడుతో పాటు, 19 ఏళ్ల కుమార్తె ఉంది.

విల్​ స్మిత్.. 'మెన్​ ఇన్​ బ్లాక్'​, 'ద పర్ష్యూట్​ ఆఫ్​ హ్యాపీనెస్​', 'అల్లాదీన్'​ తదితర సినిమాల్లో నటించి ప్రపంచవ్యాప్తంగా సినీ ప్రేక్షకుల్ని అలరించాడు.

నేను తీసుకున్న నిర్ణయం సరైనదే: ఏంజెలీనా

మరోవైపు హాలీవుడ్​ హాట్​ నటి ఏంజెలీనా జోలీ.. బ్రాడ్​ పిట్​తో విడిపోవడానికి గల కారణాలను వెల్లడించింది.

ఏంజెలీనా జోలీ

"నా కుటుంబం బాగుకోసమే విడిపోయా. ఇది మంచి నిర్ణయమే. కొంతమంది నా మౌనాన్ని అలుసుగా తీసుకుని, అసత్య వార్తలను చూపిస్తున్నారు. కానీ నిజమేంటో నా పిల్లలు తెలుకున్నారని గుర్తించా. ప్రస్తుతం ఆ చిన్నారుల భవిష్యత్తుపైనే దృష్టి పెట్టాలనుకుంటున్నా"

ఏంజెలీనా జోలీ, హాలీవుడ్​ నటి

గత దశాబ్ద కాలంలో ఎంతో బాధను అనుభవించానని, బయటకు కనిపించని గాయం తాలూకు మచ్చలెన్నో ఉన్నాయని ఏంజెలీనా చెప్పింది. జీవితం చాలా మలుపులు తిరుగుతుందని, కోరుకన్నట్లు స్వేచ్ఛగా, నిర్మొహమాటంగా ఉండటం కష్టమని తెలిపింది.

ఇదీ చూడండి:'కొడుకును కోల్పోయినట్లు అనిపిస్తోంది'