తెలుగులో 'సవ్యసాచి', 'ఇస్మార్ట్‌ శంకర్‌' చిత్రాలతో కుర్రకారు మదిని దోచిన అందాల భామ నిధి అగర్వాల్. ప్రస్తుతం తమిళంలో జయం రవి సరసన 'భూమి' అనే సినిమా చేస్తోంది. అయితే ఈ చిత్రం కోసం ఏకంగా తమిళ భాషను నేర్చుకునే పనిలో ఉంది నిధి. తాజాగా ఓ పేపర్‌పై ఇంగ్లీష్‌లో కొన్ని పదాలను రాసుకొని వాటికి తమిళంలో సరైన అర్ధాలు రాసుకొంటూ నేర్చుకుంటోంది.
"కొత్త భాష నేర్చుకోవడం.. ఇది మీరు గుర్తుపట్టగలరా" అంటూ ట్విట్టర్లో పోస్ట్ పెట్టింది. మరో ట్వీట్‌లో.."నాకు తెలుగు అబ్బాయిలు బాగా తెలుసు.. నాకు చాలా బాగా తెలుగు వస్తోంది.." అంటూ పోస్ట్ పెట్టింది. 'భూమి' చిత్రం గురించి నిధి మాట్లాడుతూ.."నేను నా పాత్ర గురించి పెద్దగా చెప్పదలచుకోలేదు. కానీ ఇప్పటివరకు చేయని కొత్త పాత్రలో నటిస్తున్నాని చెప్పగలను" అని తెలిపింది.