చిత్ర పరిశ్రమలో ఎందరో ప్రముఖ నటులకు స్ఫూర్తి అమితాబ్‌బచ్చన్‌. అభిమానుల్ని పక్కన పెడితే అతడ్ని ఫాలో అయ్యే నటులే చాలామంది ఉన్నారు. అలాంటి అమితాబ్.. యువ కథానాయకుడు రణ్బీర్ కపూర్ నటనను ఇష్టపడతాడట. అందుకే తన అభిమాన నటుల్లో రణ్బీర్ ఒకడని కితాబిచ్చాడు బిగ్ బచ్చన్. ఈ విషయాన్నితాజాగా సోషల్‌ మీడియా ద్వారా పంచుకున్నాడీ బాలీవుడ్ మెగాస్టార్.
అమితాబ్ బచ్చన్, రణ్బీర్ కపూర్ కలిసి నటిస్తున్న భారీ బడ్జెట్ చిత్రం 'బ్రహ్మాస్త్ర'. అయాన్‌ ముఖర్జీ తెరకెక్కిస్తున్న ఈ సినిమా ప్రస్తుతం శరవేగంగా చిత్రీకరణకు జరపుకొంటోంది. తాజాగా సెట్లో తీసుకున్న ఫొటోలను నెటిజన్లతో పంచుకున్నాడు బిగ్బీ.
'బ్రహ్మాస్త్ర' చిత్రీకరణలో రణ్బీర్ కపూర్, అమితాబ్ బచ్చన్ "నేను అభిమానించే నటుల్లో ఒకడు రణ్బీర్. అతడి ప్రతిభను ఇలాగే కొనసాగించాలని కోరుకుంటున్నా" అని పోస్ట్‌ చేశాడు అమితాబ్. ఆలియాభట్‌ కథానాయికగా నటిస్తున్న ఈ చిత్రంలో నాగార్జున, మౌనీరాయ్‌ తదితరులు అతిథి పాత్రల్లో కనిపించనున్నారు. సైన్స్‌ ఫిక్షన్‌ కథాంశంతో తెరకెక్కుతోన్న ఈ సినిమా ఫిబ్రవరిలోనే ప్రేక్షకుల ముందుకు రావాల్సింది. కానీ విజువల్‌ ఎఫెక్ట్స్‌ పనుల వల్ల సినిమా ఆలస్యమయ్యే అవకాశం ఉందని చిత్రబృందం ఇటీవల వెల్లడించింది. అయితే డిసెంబర్ 4న చిత్రాన్ని విడుదల చేసేందుకు సన్నాహాలు చేస్తున్నారు.
ఇదీ చూడండి.. మెగా పవర్స్టార్తో 'భీష్మ' దర్శకుడి తర్వాతి చిత్రం!
