షూటింగ్​లో సల్మాన్​ఖాన్​ను​ కొట్టిన సహనటుడు

'రాధే' చిత్రీకరణలో భాగంగా ఓ సన్నివేశంలో సల్మాన్​ను అనుకోకుండా కొట్టినట్లు నటుడు గౌతమ్ గులాటి వెల్లడించాడు. అనంతరం భాయ్​కు క్షమాపణలు చెప్పినట్లు పేర్కొన్నాడు.

'రాధే'లోని ఓ ఫైట్​ సీన్ తీస్తున్నప్పుడు హీరో సల్మాన్​ఖాన్​ను పొరపాటున కొట్టేశానని చెప్పాడు గౌతమ్ గులాటి. ఈ సినిమాలో ప్రతినాయకుడు నటించిన ఇతడు.. అంతకు ముందు పలు చిత్రాల్లో హీరోగా చేశాడు. దీంతో దెబ్బలు తినడానికి బదులు 'రాధే'లో హీరోకు అనుకోకుండా పంచ్​ ఇచ్చినట్లు ఇటీవల ఓ ఇంటర్వ్యూలో వెల్లడించాడు. ఈ సంఘటన జరిగిన తర్వాత సల్మాన్​భాయ్​కు సారీ చెప్పినట్లు గౌతమ్ తెలిపాడు.

ఓటీటీలో పే పర్ వ్యూ విధానంలో 'రాధే', ప్రేక్షకుల ముందుకొచ్చింది. ఇందులో సల్మాన్​ సరసన దిశాపటానీ హీరోయిన్​గా నటించింది. ప్రభుదేవా దర్శకత్వం వహించారు.

ఇది చదవండి:'రాధే' లీక్​పై సల్మాన్​ ఫైర్​