మెగాస్టార్ అమితాబ్ వారసుడిగా అభిషేక్ బచ్చన్ బాలీవుడ్‌లోకి అడుగుపెట్టారు. అయితే బిగ్‌బీ స్థాయిలో ఫేమ్ రాకపోయినా తనదైన శైలిలో రాణిస్తున్నారు. కెరీర్ తొలినాళ్లలో ఫ్లాప్లతో సతమతమయ్యారు. తాజాగా ఆయన నటించిన 'ది బిగ్ బుల్' విడుదలై పాజిటివ్ టాక్తో దూసుకెళ్తోంది. ఈ సందర్భంగా ఓ ఇంటర్వ్యూలో పాల్గొన్న ఆయన.. తన కెరీర్ గురించి షాకింగ్ కామెంట్స్ చేశారు. ఒకానొక దశలో తాను సినిమాల నుంచి వైదొలగాలని నిర్ణయించుకున్నట్లు తెలిపారు.
'సినిమాలకు దూరమైపోదామనుకున్నా.. కానీ'
కెరీర్ ఫ్లాప్లతో నడుస్తున్న దశలో సినిమాల నుంచి పూర్తిగా తప్పుకోవాలని తాను భావించినట్లు తెలిపారు బాలీవుడ్ నటుడు అభిషేక్బచ్చన్. ఆ సమయంలో.. చిత్రపరిశ్రమలోకి అడుగుపెట్టి పెద్ద తప్పు చేశానని అనుకున్నట్లు గుర్తుచేసుకున్నారు. కానీ, ఆ తర్వాత తన తండ్రి దిగ్గజ నటుడు అమితాబ్ బచ్చన్ చెప్పిన మాటలు తనలో స్ఫూర్తిని నింపి చిత్రసీమలో కొనసాగేలా చేశాయని చెప్పారు.
అమితాబ్ అభిషేక్ బచ్చన్
"ఫ్లాప్లతో కెరీర్ సాగుతున్న సమయంలో ఒత్తిడి తట్టుకోలేక సినిమాల నుంచి తప్పుకోవాలని భావించా. ఈ పరిశ్రమలోకి అడుగుపెట్టి పెద్ద తప్పు చేశానని అనుకున్నా. ఇదే విషయాన్ని మా నాన్నకు చెప్పాను. సినిమాల్లో నటించడానికి అర్హున్ని కాదని అన్నాను. దానికి ఆయన బదులిస్తూ... 'నువ్వు ఓడిపోవాలని నిన్ను పెంచలేదు. ప్రతి ఉదయం బతకడానికి పోరాడాలి. నీ స్థిరత్వాన్ని కాపాడుకోవాలి. ఓ నటుడిగా ప్రతి సినిమాకు నీవు మెరుగవుతున్నావు' అని చెప్పారు. ఆ మాటలు నాలో ఆత్మవిశ్వాసాన్ని నింపాయి. అందుకే చిత్రసీమలో ఇంకా కొనసాగుతున్నాను" అని అభిషేక్ అన్నారు. ప్రస్తుతం ఆయన తుషార్ దర్శకత్వంలో 'దాస్వీ' సినిమాలో నటిస్తున్నారు.
ఇదీ చూడండి :అవకాశం కోసం పోరాటం నుంచి స్టార్డమ్ వరకు