కథానాయకుడు జూ.ఎన్టీఆర్‌తో సినిమా చేయడం ఖాయమని 'కేజీఎఫ్' దర్శకుడు ప్రశాంత్ నీల్.. నిర్మాణ సంస్థ మైత్రీ మూవీస్‌ పరోక్షంగా స్పష్టతనిచ్చేశాయి. నేడు ఈ డైరెక్టర్ పుట్టినరోజు సందర్భంగా శుభాకాంక్షలు తెలిపింది మైత్రీ సంస్థ. అయితే తారక్ జన్మదినం రోజు ప్రశాంత్ చేసిన ట్వీట్ను, ఇప్పుడు మైత్రీ ట్వీట్ను జాగ్రత్తగా పరిశీలిస్తే అందులో చిత్ర కథకు సంబంధించి ఏదో క్లూ ఇస్తున్నారని అర్థమవుతోంది. ప్రస్తుతం దీనిపై సోషల్ మీడియాలో పెద్ద చర్చే నడుస్తోంది.
"ఎన్టీఆర్ న్యూక్లియర్‌ ప్లాంట్‌. ఆయన చుట్టూ ఉన్న రేడియేషన్‌ను ఎదుర్కోవడానికి ఈసారి నేను రేడియేషన్ సూట్‌లో వస్తాను" అని తారక్ పుట్టినరోజున ట్వీట్ చేశారు. ప్రశాంత్ నీల్‌కు బర్త్డే విషెస్ చెప్పిన మైత్రీ మూవీ మేకర్స్.. "త్వరలో రేడియేషన్ సూట్‌లో కలుద్దాం" అని ట్వీట్ చేసింది.