ట్రైలర్: గురు శిష్యుల 'వార్​'కు విజిల్స్​ పడాల్సిందే

బాలీవుడ్​ చిత్రం 'వార్' తెలుగు ట్రైలర్ విడుదలైంది. హృతిక్, టైగర్​ ష్రాఫ్​ కలిసి నటిస్తోన్న ఈ సినిమా ప్రచార చిత్రంలో పోరాట ఘట్టాలు ఆకట్టుకుంటున్నాయి. అక్టోబరు 2న విడుదల కానుందీ మూవీ.

హృతిక్ రోషన్, టైగర్​ ష్రాఫ్​ కలిసి నటించిన చిత్రం 'వార్'. ఈ సినిమా తెలుగు ట్రైలర్ మంగళవారం విడుదలైంది. స్పై థ్రిల్లర్​గా రూపొందుతున్న ఈ చిత్రంలో వాణీ కపూర్ కీలకపాత్ర పోషించింది. అక్టోబర్ 2న ప్రేక్షకుల ముందుకు రానుందీ చిత్రం.

హాలీవుడ్ తరహాలో ఉన్న యాక్షన్ సన్నివేశాలు, విజువల్స్​తో ప్రచార చిత్రం ఆకట్టుకుంటోంది. సిక్స్ ప్యాక్ బాడీతో హృతిక్, టైగర్ మధ్య పోరాటాలు అదిరిపోయేలా ఉన్నాయి.

ఈ సినిమాను యశ్ రాజ్ ఫిల్మ్స్​ పతాకంపై ఆదిత్య చోప్రా నిర్మిస్తుండగా.. సిద్దార్థ్ ఆనంద్ దరకత్వం వహిస్తున్నాడు. విశాల్ - శేఖర్ సంగీతం సమకూర్చిన ఈ చిత్రం హిందీతో పాటు తెలుగు, తమిళ భాషల్లోనూ విడుదల కానుంది.

ఇది చదవండి: పవర్ స్టార్ పిల్లలతో అడివి శేష్ అల్లరి​