బాలీవుడ్ చిత్రం 'వార్' వసూళ్ల పరంగా దూసుకెళ్తోంది. విడుదలైన మూడు రోజుల్లోనే వంద కోట్ల మైలురాయిని అధిగమించింది. హృతిక్ రోషన్ - టైగర్ ష్రాఫ్ నటించిన ఈ సినిమా అక్టోబరు 2న ప్రేక్షకుల ముందుకు వచ్చింది.
హిందీలో తొలి రోజే రూ. 51.60 కోట్ల కలెక్షన్లు సాధించింది. రెండో రోజు రూ. 23.10 కోట్లు, మూడో రోజు 21.30 కోట్లతో మొత్తంగా రూ. 96 కోట్లకు చేరింది. తెలుగు, తమిళ భాషల్లో కలిపి రూ. 4.15 కోట్లతో వంద కోట్ల మార్కును అధిగమించింది.
యశ్ రాజ్ ఫిల్మ్ సంస్థ నిర్మాణంలో వచ్చివిడుదలైన మూడు రోజుల్లోనే వంద కోట్లు అందుకున్నచిత్రాల్లో 'వార్' ఐదోది. అంతకుముందు దూమ్-3, సుల్తాన్, టైగర్ జిందా హై, థగ్స్ ఆఫ్ హిందుస్థాన్ సినిమాలు ఈ ఘనత సాధించాయి.
మొదటి రోజు అత్యధిక గ్రాస్ సాధించిన చిత్రంగానూ వార్ రికార్డు సృష్టించింది. సిద్ధార్థ్ ఆనంద్ దర్శకత్వం వహించాడు. వాణీ కపూర్ కీలకపాత్రలో మెరిసింది. ప్రపంచ వ్యాప్తంగా 4000 థియేటర్లలో ఈ సినిమా విడుదలైంది.
ఇదీ చదవండి: సినీ డైరీ: మనదేశంలో తొలి బయోపిక్ ఇదే..