మాస్ చిత్రాల దర్శకుడు వీవీ వినాయక్. అగ్ర కథానాయకులతో సినిమాలు తీసి మాస్ చిత్రాలకు కేరాఫ్ అడ్రస్గా నిలిచారు. మెగాస్టార్ చిరంజీవితో రెండు చిత్రాలు తెరకెక్కించారు. అయితే ఈ రెండూ రీమేక్ కావడం గమనార్హం. ఇటీవల ఆలీతో సరదాగా షోలో పాల్గొన్న వినాయక్.. మెగాస్టార్తో తీసిన రెండు చిత్రాలు రీమేక్ కావడంపై స్పందించారు.
'చిరుతో రెండు రీమేక్లు అలా కుదిరాయి'
మాస్ చిత్రాల దర్శకుడు వీవీ వినాయక్.. మెగాస్టార్ చిరంజీవితో రెండు సినిమాలు తీశారు. అయితే ఆ రెండు కూడా రీమేక్లే కావడం గమనార్హం. అయితే అలా రెండు రీమేక్లు పట్టాలెక్కడానికి గల కారణాల్ని ఆలీతో సరదాగా షోలో పంచుకున్నారు వినాయక్.
'చిరుతో రెండు రీమేక్లు అలా కుదిరాయి'
"అసలు చిరంజీవిగారి దగ్గరకు వెళ్దామన్న ఆలోచనే లేదు. కానీ ఓరోజు రాజా రవీంద్ర వచ్చి చిరు దగ్గరికి తీసుకెళ్లారు. నేను 'విజేత' ఫంక్షన్కు వెళ్లి ఆయనను చూడలేక చెప్పులు పోగొట్టుకుని వచ్చినోడిని.. అలా అంత దగ్గరగా ఆయన్ని చూడటం చాలా సంతోషాన్నిచ్చింది. ఓ అరగంట పాటు ఆయన్ని ఆలా చూస్తూ ఉండిపోయా. ఆయన మాట్లాడుతున్నా నాకేమీ వినిపించట్లేదు. 'రమణ' చూశారా! అని చిరు ఆడిగారు. 'చూశా సార్' అన్న. 'నాకు సరిపోద్దా' అన్నారు. 'అదిరిపోద్ది సార్' అన్నా. కాకపోతే ఎండ్లో చనిపోకూడదు. కొంచెం కమర్షియల్గా పాటలు, ఫైట్లు ఉంటే ఇంకా బాగుంటది.. వేరేగా అన్ని చెప్పా. 'వేరేగా అంటే ఏంటి' అని అడిగారు. అప్పుడు ఆయన సీఎం అయితే అన్నట్లు ఓ కథ రాశా. దాంట్లోని కొన్ని డైలాగ్లు ఆయనకి చెప్పా. అలా నాలుగు సిట్టింగ్లు అయ్యాక ఓకే అన్నారు. సినిమా పూర్తయ్యి రషెస్ చూసి చాలా మెచ్చుకున్నారు. అది నా జీవితంలో మర్చిపోలేనిది. సొంత కథైనా, రీమేక్ అయినా అది కాస్త తగినట్లు ఉండాలి. అలా కొన్ని మార్పులు ఆయనకు నచ్చి సినిమాలు పట్టాలెక్కాయి" అని తెలిపారు వినాయక్.