ఏప్రిల్​లో థియేటర్లలోకి మోదీ

ప్రధాని మోదీ జీవితం ఆధారంగా రూపొందిన​ చిత్రం "పీఎం నరేంద్రమోదీ. ఈ సినిమాలో మోదీ పాత్రలో నటించారు వివేక్ ఒబెరాయ్. ఈ చిత్రం ప్రపంచ వ్యాప్తంగా ఏప్రిల్ 12న విడుదల కానుంది.

ప్రధాన మంత్రి మోదీ జీవితం ఆధారంగా తెరకెక్కుతున్న సినిమా "పీఎం నరేంద్ర మోదీ". వివేక్ ఒబెరాయ్ మోదీ పాత్రలో కనిపించనున్నాడు. ఏప్రిల్ 12న చిత్రాన్ని ప్రేక్షకుల ముందుకు తీసుకొస్తున్నట్లు ట్విట్టర్​లో పంచుకున్నాడీ బాలీవుడ్ హీరో.

మేరీ కోమ్, సరబ్​జిత్ సినిమాలతో ఆకట్టుకున్న ఒమంగ్ కుమార్ ఈ సినిమాకు దర్శకత్వం వహించారు.

జనవరిలో గుజరాత్​లో మొదలయిన ఈ చిత్ర షూటింగ్ ముంబయిలో పూర్తైంది. దర్శన్ కుమార్, బొమ్మన్​ ఇరానీ, ప్రశాంత్ నారాయణన్, జరీనా వాహబ్ ఇతర పాత్రల్లో కనిపించనున్నారు.

ఇది ప్రత్యేకమైన చిత్రం. అందరికీ చెప్పాల్సిన కథ. ప్రేక్షకులను ఆకట్టుకుంటుందని నమ్ముతున్నాను ---సందీప్ సింగ్, చిత్ర నిర్మాత

గుజరాత్ ముఖ్యమంత్రిగా మొదలైన మోదీ ప్రయాణం 2014లో ప్రధానమంత్రి అయ్యే వరకు ఎలా సాగిందో ఈ సినిమాలో చూపించనున్నారు. జనవరిలో 23 భాషల్లో విడుదలైందీ సినిమా ఫస్ట్​లుక్. వివేక్ ఒబెరాయ్ తన ఆహార్యంతో ఆకట్టుకున్నాడు.