బాలీవుడ్​ రీమేక్​లో విశ్వక్ సేన్...!

'ఫలక్​నుమా దాస్' హీరో విశ్వక్​ సేన్ ఓ బాలీవుడ్ రీమేక్​లో నటిస్తున్నట్లు వార్తలొస్తున్నాయి. సురేష్ ప్రొడక్షన్స్ ఈ చిత్రాన్ని నిర్మించనున్నట్లు తెలుస్తోంది.

మలయాళం సినిమా 'అంగమలై డైరీస్'ను తెలుగులో 'ఫలక్​నుమా దాస్‌' గా రీమేక్ చేసి సక్సెస్‌ను సొంతం చేసుకున్న హీరో విశ్వక్ సేన్. ఆ చిత్రం తర్వాత కాస్త విరామం తీసుకున్నాడు. ప్రస్తుతం 'పాగల్' అనే మరో కొత్త సినిమాతో ప్రేక్షకుల ముందుకు రాబోతున్నాడు. నరేష్ రెడ్డి కుప్పిలి దర్శకుడిగా పరిచయం అవుతున్న ఈ మూవీని బెక్కం వేణుగోపాల్ నిర్మించనున్నారు.

తాజాగా విశ్వక్ సేన్​కు సంబంధించిన మరో వార్త వినిపిస్తోంది. సురేష్ ప్రొడక్షన్స్ ఇటీవలే బాలీవుడ్ రొమాంటిక్ కామెడీ 'సోను కి టిటు కి స్వీటీ’' సినిమా హక్కులను సొంతం చేసుకుంది. అయితే ఈ చిత్రం తెలుగు రీమేక్ కోసం విశ్వక్ సేన్​ను సంప్రదించినట్లు తెలుస్తోంది. ఈ హీరో సానుకూలంగా స్పందించినట్లు సమాచారం.

ఇవీ చూడండి.. షారుఖ్- కాజోల్​ను అనుకరించిన కెన్యా జోడి