'FIR' సినిమాపై ఆ మూడు దేశాల్లో నిషేధం

FIR movie: తమిళ హీరో విష్ణు విశాల్ 'ఎఫ్ఐఆర్' సినిమాను మూడు అరబ్ దేశాల్లో నిషేధించారు. శుక్రవారమే ఈ చిత్రం థియేటర్లలోకి వచ్చింది.

FIR movie ban: ఈ రోజు థియేటర్లలో మూడు సినిమాలు రిలీజ్​ అవుతున్నాయి. అందులో 'ఎఫ్ఐఆర్' ఒకటి. ఈ చిత్రాన్ని తెలుగుతో పాటు తమిళంలోనూ విడుదల చేశారు. అయితే ఈ సినిమాను కొన్ని దేశాల్లో నిషేధించారు. ఈ విషయాన్ని స్వయంగా హీరో-నిర్మాత విష్ణు విశాల్​ స్పష్టం చేశారు.

'ఎఫ్ఐఆర్' సినిమా

ఇర్ఫాన్ అహ్మద్​ అనే ముస్లిం యువకుడు.. టెర్రరిజంతో సంబంధం లేకపోయినా అనుకోకుండా అందులో ఇరుక్కుంటాడు. ఆ తర్వాత ఏం జరిగిందనేది ఈ సినిమా కథ. శుక్రవారం రిలీజ్ కావాల్సిన ఈ సినిమాను కువైట్, మలేసియా, ఖతర్ దేశాల్లో నిషేధించారు. ఓ ట్వీట్​కు రిప్లై ఇస్తూ, హీరో విష్ణు విశాల్​ సమాధానమిచ్చారు.

ఈ సినిమాలో మంజిమా మోహన్, రైజా విల్సన్, రెబా జాన్ హీరోయిన్లుగా నటించారు. గౌతమ్ మేనన్ కీలకపాత్ర పోషించారు. మను ఆనంద్ దర్శకత్వం వహించారు. తెలుగులో హీరో రవితేజ సమర్పణలో ఈ చిత్రం రిలీజ్ అవుతుంది.