'విరాటపర్వం' టీజర్: ప్రేమకు ఇంత శక్తి ఉందా?

రానా-సాయిపల్లవి నటించిన 'విరాటపర్వం' టీజర్ అలరిస్తోంది. వచ్చే నెల 30న సినిమా ప్రేక్షకుల ముందుకు రానుంది.

'విరాటపర్వం' టీజర్, మెగాస్టార్ చిరంజీవి చేతుల మీదుగా గురువారం విడుదలైంది. ఆద్యంతం ఆకట్టుకుంటూ సినిమాపై అంచనాల్ని పెంచుతోంది. ఇందులో కామ్రేడ్ రవన్నగా రానా, కథానాయికగా సాయిపల్లవి నటించారు.

నక్స్​లైట్​ నేపథ్య కథతో తీసిన ఈ చిత్రానికి వేణు ఊడుగుల దర్శకత్వం వహించారు. ఇందులో ప్రియమణి, నందితా దాస్ తదితరులు కీలక పాత్రల్లో కనిపించనున్నారు. సుధాకర్ చెరుకూరి నిర్మాతగా వ్యవహరించారు. ఏప్రిల్ 30 నుంచి థియేటర్లలో సినిమా సందడి చేయనుంది.