కాజోల్​ పోస్ట్​ చేసిన ఆ ఫొటోలు వైరల్​.. ఎందుకో తెలుసా?

బాలీవుడ్​ స్టార్​ హీరోయిన్​ కాజోల్.. ఇన్​స్టా వేదికగా తన కుమార్తె నైసా దేవగణ్​​​ ఫొటోలను అభిమానులతో పంచుకుంది. ప్రస్తుతం అవి నెట్టింట వైరల్​గా మారాయి.

కథానాయికలు ఎప్పటికప్పుడు తమ ఫొటోలను సామాజిక మాధ్యమాల్లో అభిమానులతో పంచుకుంటుంటారు. ఈ విషయంలో బాలీవుడ్​ హీరోయిన్ కాజోల్ ​ఎంతో చురుగ్గా ఉంటుంది. తాజాగా ఈ అమ్మడు​ పోస్ట్​ చేసిన కొన్ని ఫొటోలకు నెటిజన్లు ఫిదా అయిపోతున్నారు. ఎందుకో తెలుసా? ఈ సారి ముద్దుగుమ్మ కాజోల్​ పోస్ట్‌ చేసింది తన ఫొటోలు కాదు.. అచ్చం తనలాగే ఉండే తన ముద్దుల కూతురు నైసా దేవగణ్​వి.

పసిడి వర్ణపు లెహెంగా.. జాలువారే కురులు.. కలువల్లాంటి కళ్లు.. పెదాలపై అందమైన చిరునవ్వు... ఆహా! ఆ చిత్రంలో అచ్చం కుందనపు బొమ్మలా కనువిందు చేస్తోంది నైసా. 16 ఏళ్ల వయసున్న ఈ అమ్మాయి.. కాజోల్​తోనే అందంలో పోటీ పడుతోందని అభిమానులు కామెంట్లు పెడుతున్నారు.

ఇదీ చూడండి :'ఉమామహేశ్వర ఉగ్రరూపస్య..' వెనుక అర్థం ఇదే!