​చరణ్​ కొత్త సినిమా డైరెక్టర్​ ఎవరో తెలుసా..!

మెగా పవర్​స్టార్​ రామ్​చరణ్​ కొత్త చిత్రంపై రకరకాల ఊహాగానాలు వినిపిస్తున్నాయి. తాజాగా విక్రమ్​ కె.కుమార్​ దర్శకత్వంలో తెరకెక్కే సినిమాలో చెర్రీ నటించనున్నట్లు ప్రచారం జరుగుతోంది.

'ఆర్‌ఆర్‌ఆర్‌' చిత్రం తర్వాత రామ్‌చరణ్‌ ఎవరి దర్శకత్వంలో నటిస్తాడా? అని ప్రేక్షకులు ఆసక్తిగా ఎదురుచూస్తున్నారు. ఇప్పటికే చెర్రీకి పలువురు దర్శకులు కథలు వినిపించారు. ఇటీవలే 'గ్యాంగ్‌ లీడర్‌' చిత్రంతో విజయం అందుకున్న విక్రమ్ కె. కుమార్​​.. మెగా పవర్​స్టార్​కు ఓ కథ వినిపించాడని సమాచారం. అతడి దర్శకత్వంలో చరణ్‌ నటించే అవకాశాలున్నాయని తెలుస్తోంది.

దర్శకుడు విక్రమ్​ కె. కుమార్​

కథలోని ఓ కీలక సన్నివేశం చెప్పగానే చెర్రీకి బాగా నచ్చేసిందట. కథ మొత్తం సిద్ధం చేయమని చెప్పినట్లు టాలీవుడ్‌లో టాక్‌ నడుస్తోంది. 'ఆర్​ఆర్​ఆర్​' చిత్రం తర్వాత దాదాపు ఈ దర్శకుడే ఖరారు కావొచ్చని గుసగుసలు వినిపిస్తున్నాయి. ఇందులో నిజమెంతో తెలియాలంటే అధికారిక ప్రకటన కోసం ఎదురుచూడాల్సిందే.

ఇదీ చూడండి.. చెర్రీ తొలి ఇన్​స్టా పోస్ట్​ అమ్మకే అంకితం