'తమిళ స్టార్ విజయ్ నటించిన చిత్రం 'బిగిల్'. తెలుగులో విజిల్ పేరుతో అక్టోబరు 25న ప్రేక్షకుల ముందుకు రానుంది. ఈ సందర్భంగా బుధ‌వారం ఏర్పాటు చేసిన పాత్రికేయుల స‌మావేశంలో దర్శకుడు అట్లీ తన అభిప్రాయాలను ప్రేక్షకులతో పంచుకున్నాడు.
ప్ర‌స్తుత స‌మాజంలో మ‌హిళ‌ల‌పై జరుగుతున్న అత్యాచారాలపై ఆందోళన చెందానని తెలిపాడు. అందులో నుంచే ఈ సినిమా పుట్టుకొచ్చిందని చెప్పాడు.
"విజిల్ సినిమాను తెలుగులో 700 థియేటర్స్‌లో విడుదల చేస్తుండ‌టం గొప్ప‌గా అనిపిస్తుంది. ఈ సినిమా కేవ‌లం ఫుట్బాల్ ఆట గురించి మాత్ర‌మే కాదు.. చాలా భావోద్వేగాలు ఇందులో ఉన్నాయి. అలాగే మహిళా సాధికార‌త‌ను తెలియ‌జేస్తుంది. ఈ సినిమాను వాళ్లకు అంకితమిస్తున్నాను."