లేడీ సూపర్ స్టార్ విజయ శాంతి.. దాదాపు 13ఏళ్ల విరామం తర్వాత వెండితెరపై కనిపించింది. తనలో పవర్ ఇంకా తగ్గలేదని నిరూపించుకుంది. 'సరిలేరు నీకెవ్వరు'లో భారతి అనే కాలేజీ ప్రొఫెసర్ పాత్రలో కనిపించింది. ఈ సినిమాకు ఘనవిజయం అందించిన ప్రేక్షకులకు ట్విట్టర్లో ధన్యవాదాలు చెప్పింది. తన మొదటి చిత్రం నుండి ఇప్పటి వరకు, కొన్ని దశాబ్దాల పాటు నటిగా ఆదరిస్తున్న అభిమానులకు కృతజ్ఞతలు తెలియజేసింది. వీటితో పాటే మరో ఆసక్తికర వ్యాఖ్యను జోడించింది.
"ప్రజా జీవన పోరాటంలో నా ప్రయాణం... మళ్లీ మరో సినిమా చేసే సమయం, సందర్భం నాకు కల్పిస్తోందో, లేదో నాకూ తెలియదు. ఇప్పటికి ఇక సెలవు. మనసు నిండిన మీ ఆదరణకు, నా ప్రాణప్రదమైన అభిమాన సైన్యానికి ఎప్పటికీ నమస్సులు మీ విజయశాంతి..." అని భావోద్వేగంగా ట్వీట్ చేసింది విజయశాంతి.