'కాలం మారినా.. మహేశ్​ వ్యక్తిత్వం చెక్కుచెదరలేదు'

ప్రిన్స్​ మహేశ్​బాబు నటిస్తోన్న 'సరిలేరు నీకెవ్వరూ'లో అలనాటి అందాల భామ విజయశాంతి ఓ ప్రముఖ పాత్రలో మెరవనుంది. వీరిద్దరూ అప్పట్లో నటించిన 'కొడుకుదిద్దిన కాపురం' చిత్రీకరణలో తీసిన ఫొటోను సూపర్​స్టార్​ అభిమానులతో పంచుకోగా... దానికి కామెంట్​ పెట్టింది విజయశాంతి.

సూపర్​స్టార్​ మహేశ్​ హీరోగా రాబోతున్న 'సరిలేరు నీకెవ్వరూ' చిత్రంతో తెరపై రీఎంట్రీ ఇవ్వనుంది విజయశాంతి. 30 ఏళ్ల క్రితం 'కొడుకుదిద్దిన కాపురం' తర్వాత మళ్లీ వీరిద్దరూ కలిసి నటిస్తున్నారు. రాములమ్మతో తీసుకున్న ఫొటోను ఇటీవల నెటిజన్లతో పంచుకున్నాడు ప్రిన్స్​. ఈ ట్వీట్​కు తాజాగా స్పందించింది విజయశాంతి.

విజయశాంతి ట్వీట్​

"కాలచక్రంలో సంవత్సరాలు మారాయి. కానీ మహేశ్​ వ్యక్తిత్వం మారలేదు. ఆయన వ్యక్తిత్వానికి క్యూట్​నెస్ కిరీటంలాంటిది. 1989లో మనం నటించిన చిత్రం కొడుకు దిద్దిన కాపురం. 1980లో అదే రోజు కృష్ణగారు హీరోగా వచ్చిన కిలాడీ కృష్ణుడుతో వెండితెరకు పరిచయమయ్యాను."
-విజయశాంతి ట్వీట్​

'కొడుకు దిద్దిన కాపురం' సినిమా చిత్రీకరణలో మహేశ్​-విజయశాంతి దిగిన ఫొటోను షేర్​ చేసిన సూపర్​స్టార్ ఈ విధంగా కామెంట్​ పెట్టాడు.

మహేశ్​ బాబు ట్వీట్​

"1989లో వచ్చిన 'కొడుకు దిద్దిన కాపురం'తో మా ప్రయాణం మొదలైంది. మళ్లీ 30 ఏళ్ల తర్వాత విజయశాంతితో పనిచేస్తున్నా. జీవితం నిజంగా చక్రంలాంటింది".
-మహేశ్​ బాబు ట్వీట్​

మహేశ్​ 'సరిలేరు నీకెవ్వరూ' చిత్రానికి అనిల్​ రావిపూడి దర్శకుడు. రష్మిక మందాణ్న కథానాయిక. వచ్చే ఏడాది సంక్రాంతి కానుకగా ప్రేక్షకుల ముందుకు రానుందీ సినిమా.

ఇదీ చూడండి: బయోపిక్​లపై ఆసక్తి లేదు: పాయల్ ​రాజ్​పుత్​