నటుడు విజయ్ సేతుపతి.. తమిళ సినిమాలతోనే కాకుండా 'సైరా'లో నటించి తెలుగు ప్రేక్షకులకు దగ్గరయ్యాడు. హిందీలోనూ ఆమిర్ఖాన్ వంటి స్టార్తో నటిస్తున్నాడు. ఇంతటి ప్రేక్షకాదరణ పొందిన ఈ హీరో.. 'సూపర్ డీలక్స్' అనే తమిళ చిత్రంలో ట్రాన్స్ జెండర్ పాత్ర పోషించాడు. ఇటీవలే జరిగిన ఓ ఇంటర్వ్యూలో ఈ సినిమా గురించి ఆసక్తికర సంగతులు చెప్పాడు.
"నువ్వు మహిళగా ఎందుకు పుట్టలేదు?' అనే డైలాగ్‌తో ప్రారంభమయ్యే ఈ కథ వినగానే దర్శకుడికి ఓకే చెప్పేశాను. మొదట్లో ఆ పాత్ర చేయగలనో లేదో అనే సందేహం ఉంది. కానీ సినిమా మాత్రం వదులుకోవాలని లేదు. పారితోషం ఇవ్వకపోయినా, ఈ సినిమా చేస్తానని దర్శకుడ్ని వేడుకున్నాను. ఆ తర్వాత ఈ పాత్ర చేయగలననే నమ్మకం వచ్చింది' -విజయ్ సేతుపతి, నటుడు