దర్శకద్వయం రాజ్ అండ్ డీకే తెరకెక్కించిన 'ది ఫ్యామిలీ మ్యాన్' (The Family Man) వెబ్సిరీస్లో విడుదలైన రెండు సీజన్లకు ఓటీటీలో ఎంతటి ప్రేక్షకాదరణ పొందిందో ప్రత్యేకంగా చెప్పనక్కర్లేదు. ఇప్పుడు దీనికి కొనసాగింపుగా మూడో సీజన్ను తీసుకురావాలని చిత్రబృందం సన్నాహాలు చేస్తోంది. అయితే ఇందులో స్టార్ నటుడు విజయ్ సేతుపతి(Vijay Sethupati) నటిస్తున్నారంటూ కొద్ది రోజులుగా ప్రచారం సాగుతోంది.
తాజాగా దీనిపై స్పందించిన విజయ్.. ఇందులో తాను నటించట్లేదని స్పష్టం చేశారు. "షాహిద్కపూర్తో రాజ్ అండ్ డీకే తెరకెక్కిస్తున్న వెబ్సిరీస్లో మాత్రమే నటిస్తున్నాను. మనోజ్ బాజ్పాయ్తో నటించేందుకు నాకు ఎంతో ఇష్టమైనప్పటికీ 'ది ఫ్యామిలీ మ్యాన్ 3' కోసం నన్ను ఎవరు సంప్రదించలేదు." అని విజయ్ అన్నారు.