ఈసారి ఆమిర్​ఖాన్​ సినిమాలో విజయ్ సేతుపతి

ఆమిర్​ఖాన్ నటిస్తున్న 'లాల్ సింగ్ చద్దా'లో తమిళ హీరో విజయ్ సేతుపతి కీలక పాత్ర పోషిస్తున్నాడు. ఈ విషయాన్ని ఇటీవలే జరిగిన ఓ ఇంటర్వ్యూలో వెల్లడించాడు విజయ్.

విభిన్న పాత్రలు చేస్తూ తనకంటూ ఓ ప్రత్యేకతను తెచ్చుకున్న నటుడు విజయ్‌ సేతుపతి. పాత్ర ఏదైనా సరే అందులో ఇమిడిపోయి ప్రేక్షకులను మెప్పిస్తుంటాడు. ప్రస్తుతం బాలీవుడ్​లో ఆమిర్‌ఖాన్‌ నటిస్తున్న 'లాల్‌ సింగ్‌ చద్దా'లో కీలక పాత్ర పోషిస్తున్నాడు. ఇటీవలే ఈ విషయాన్ని ధ్రువీకరించాడు. అనంతరం మాట్లాడిన విజయ్.. కళకు భాషా, ప్రాంతం అనే తేడా ఉండదు. భాషా, సాంస్కృతికంగా తనకు ఎటువంటి ఇబ్బందులు ఎదురు కాలేదని చెప్పాడు.

'లాల్ సింగ్ చద్దా'లో ఆమిర్ ఖాన్

ఈ సినిమాలో కరీనా కపూర్, మానవ్‌ గోహిల్, వివేక్‌ గార్గ్‌ తదితరలు నటిస్తున్నారు. ఏఆర్‌.రెహమాన్‌-ప్రీతమ్‌లు సంగీతమందిస్తున్నారు. అద్వైత్‌ చందన్‌ దర్శకత్వం వహిస్తున్నాడు. ఆమిర్‌ఖాన్‌ ప్రొడక్షన్స్, వయాకామ్‌ 18 మోషన్‌ పిక్చర్స్‌ సంయుక్తంగా నిర్మిస్తున్నాయి. వచ్చే ఏడాది డిసెంబర్‌ 20న ప్రేక్షకుల ముందుకు రానుందీ చిత్రం.

ఇది చదవండి: 'భారతీయుడు-2'లో విలన్​గా విజయ్ సేతుపతి?