'ఫైటర్‌' చిత్రంతో పాన్‌ ఇండియా స్టార్‌గా నిరూపించుకునేందుకు సెట్స్‌పై ముస్తాబవుతున్నాడు రౌడీ హీరో విజయ్ దేవరకొండ. పూరి జగన్నాథ్‌ దర్శకత్వంలో రూపొందుతోన్న ఈ చిత్రం ఇప్పటికే 40 శాతానికి పైగా చిత్రీకరణ పూర్తి చేసుకుంది. ఇది పూర్తవడానికి మరికొంత సమయం పట్టే అవకాశముంది. ఇప్పటికే విజయ్ పలు ప్రాజెక్టులకు గ్రీన్ సిగ్నల్ ఇచ్చేశాడు. పూరితో చేస్తున్న చిత్రం పూర్తయిన వెంటనే శివ నిర్వాణ దర్శకత్వంలో ఓ సినిమా చెయ్యనున్నాడు. దాని తర్వాత దిల్‌రాజు నిర్మాణంలో ఓ చిత్రానికి ఓకే చెప్పేశాడు. అయితే దర్శకుడెవరన్నది స్పష్టత ఇవ్వలేదు.
అయితే తాజాగా దేవరకొండ జన్మదినం సందర్భంగా ఓ దర్శకుడు చేసిన ట్వీట్ దీనిపై ఓ క్లూ ఇచ్చింది. ఇంతకీ అతడు మరెవరో కాదు విలక్షణ కథా చిత్రాల దర్శకుడు మోహనకృష్ణ ఇంద్రగంటి.