విజయ్​-రష్మిక జోడీ మరోసారి!

మరోసారి జోడీగా అలరించబోతున్నారు విజయ్ దేవరకొండ-రష్మిక. అయితే ఇది సినిమా కోసం మాత్రం కాదు. ఓ ప్రకటన కోసం.

అభిమానులను అలరించేందుకు మరోసారి జతకట్టనున్నారు రౌడీ హీరో విజయ్​ దేవరకొండ, రష్మిక. ఇప్పటికే 'గీత గోవిందం', 'డియర్​ కామ్రేడ్'​ చిత్రాల ద్వారా ప్రేక్షకులను పలకరించిన వీరిద్దరూ ఈసారి ఓ యాడ్​లో కలిసి కనువిందు చేయనున్నారు.

సంతూర్​ సబ్బుకు బ్రాండ్​ అంబాసిడర్​గా వ్యవహరించబోతున్నారు విజయ్, రష్మిక. దీనికి సంబంధించిన యాడ్​ షూటింగ్​ను ఇటీవల ముంబయిలో చిత్రీకరించారు. త్వరలోనే ఇది టీవీలో ప్రసారం కానుంది.

ప్రస్తుతం విజయ్​.. పూరీ జగన్నాథ్​ దర్శకత్వంలో 'లైగర్'​ సినిమాలో నటిస్తున్నారు. రష్మిక.. తెలుగులో 'పుష్ప', హిందీలో 'మిషన్​ మజ్ను' సహా అమితాబ్​ బచ్చన్​తో కలిసి ఓ సినిమాలో నటిస్తోంది.