వరుస సినిమాలతో రౌడీ హీరో జోరు

టాలీవుడ్ హీరో విజయ్ దేవరకొండ ప్రస్తుతం క్రాంతి మాధవ్ దర్శకత్వంలో ఓ సినిమా చేస్తున్నాడు. ఈ చిత్ర షూటింగ్ ఫ్రాన్స్​లో జరుగుతోంది.

వరుస సినిమాలతో జోరుమీదున్నాడు రౌడీ హీరో విజయ్ దేవరకొండ. ప్రస్తుతం ఈ యువ హీరో నటించిన 'డియర్ కామ్రేడ్' చిత్రం విడుదలకు సిద్ధమవుతోంది. క్రాంతి మాధవ్ దర్శకత్వంలో మరో సినిమా చేస్తున్నాడు. ఈ చిత్రానికి కేఏ వల్లభ నిర్మాత. రాశీ ఖన్నా, ఐశ్వర్యా రాజేష్, ఇజాబెల్లేదే హీరోయిన్లుగా నటిస్తున్నారు. గోపీ సుందర్ సంగీతం అందిస్తున్నాడు.

ప్రస్తుతం ఈ సినిమా షూటింగ్ ఫ్రాన్స్​లో జరుగుతోంది. ప్రధాన తారాగణంపై కీలక సన్నివేశాలు తెరకెక్కిస్తున్నారు. ఇదో ముక్కోణపు ప్రేమకథని.. ముగ్గురు అమ్మాయిలు, ఓ అబ్బాయి మధ్య జరిగే సరదా సన్నివేశాలు యువతరాన్ని ఆకట్టుకుంటాయని చెబుతోందీ చిత్రబృందం.

ఇవీ చూడండి.. 'ప్రాధాన్యత ఉన్న పాత్రలు చేసేందుకు సిద్ధమే'