Unstoppable with NBK: నందమూరి బాలకృష్ణతో సందడి చేయనున్నారు రౌడీ హీరో విజయ దేవరకొండ. బాలయ్య వ్యాఖ్యతగా చేస్తోన్న 'అన్స్టాపబుల్ విత్ ఎన్బీకే' షోకు ఆయన అతిథిగా వచ్చారు. విజయ్తో పాటు 'లైగర్' దర్శకుడు పూరి జగన్నాథ్, నిర్మాత ఛార్మి బాలయ్య షోలో పాల్గొన్నారు. ఈ కార్యక్రమం సంక్రాంతి కానుకగా జనవరి 14న ఓటీటీ ఆహాలో ప్రసారంకానుంది.
సుమంత్ అశ్విన్ సినిమా వాయిదా..
ఎం.ఎస్.రాజు దర్శకత్వంలో సుమంత్ అశ్విన్ నటించిన చిత్రం '7 డేస్ 6 నైట్స్'. సినిమాను ఈ సంక్రాంతికే రిలీజ్ చేయనున్నట్లు కొద్ది రోజుల క్రితం ప్రకటించారు. అయితే కరోనా కారణంగా విడుదల వాయిదా వేస్తున్నట్లు శనివారం ప్రకటించింది చిత్రబృందం. కొత్త రిలీజ్ డేట్ను త్వరలో వెల్లడిస్తామని చెప్పింది. ఈ సినిమాలో సుమంత్ అశ్విన్, మెహర్ చాహల్, రోహన్, కృతిక.. ప్రధాన పాత్రల్లో నటిస్తున్నారు.