విజయ్ దేవరకొండ డ్యాన్స్​తో ఏం కథ చెప్పాడంటే..?

టాలీవుడ్​ రౌడీ హీరో విజయ్​ దేవరకొండ నిర్మించిన తొలి సినిమా 'మీకు మాత్రమే చెప్తా'. ఈ చిత్రం నుంచి నేడు 'నువ్వే హీరో' అనే మ్యూజిక్​ వీడియో విడుదలైంది. ఇందులో విజయ్​ తన డ్యాన్స్​తో ఆకట్టుకున్నాడు.

యువ దర్శకుడు తరుణ్ భాస్కర్ తొలిసారి హీరోగా నటించిన చిత్రం 'మీకు మాత్రమే చెప్తా'. హీరో విజయ్​ దేవరకొండ నిర్మాతగా వ్యవహరించాడు. ఇటీవలే టాలీవుడ్​ ప్రిన్స్​ మహేశ్​బాబు చేతుల మీదుగా ఈ సినిమా ట్రైలర్​​ విడుదలైంది.

ఇప్పటికే నిర్మాణాంతర కార్యక్రమాల్లో బిజీగా ఉన్న చిత్రబృందం.. విస్తృతంగా ప్రచార కార్యక్రమాలు నిర్వహిస్తోంది. తాజాగా దీపావళి కానుకగా ఓ మ్యూజిక్​ వీడియోను ఈరోజు విడుదల చేసింది. 'నువ్వే హీరో' అనే టైటిల్​తో సాగిన పాటలో విజయ్ స్టైలిష్​ లుక్​, డ్యాన్స్​తో ఆకట్టుకున్నాడు.

ఈ చిత్రంలో వాణి భోజన్ హీరోయిన్​. అనసూయ భరద్వాజ్, అభినవ్ గోమటం, పావని గంగిరెడ్డి, నవీన్ జార్జ్ థామస్ తదితరులు ఇతర పాత్రలు పోషించారు. శివకుమార్ ఈ సినిమాకు సంగీతమందించాడు. నవంబరు ఒకటో తేదీన ప్రేక్షకుల ముందుకు రానుంది.