నల్లమల అడవుల్లో యురేనియం తవ్వకాలు జరపడానికి వ్యతిరేకంగా యువ కథానాయకుడు విజయ్ దేవరకొండ గళమెత్తుతున్నాడు. 'యురేనియం కొనొచ్చు కాని అడవులను కొనగలమా?' అని ఈ హీరో చేసిన ట్వీట్లు నెట్టింట బాగా చర్చనీయాంశమయ్యాయి. మంత్రి కేటీఆర్ స్పందనతో... తాజాగా విజయ్ మరో ట్వీట్ చేశాడు.
" ఇది మొదటి విజయం. మనమంతా కలిసి మన అభిప్రాయాల్ని వినిపించాం. తగిన చర్యలు తీసుకోబోతున్నారు. ఇది పూర్తయ్యే వరకు మన ప్రయత్నం ఆపొద్దు. అమ్రాబాద్ ప్రజలకు, నల్లమలకు నా మద్దతుతో పాటు అనేక మంది సపోర్ట్ ఎప్పుడూ ఉంటుంది."
-- విజయ్ దేవరకొండ, సినీ నటుడు