క్వారంటైన్​లో 'కలరిపట్టు'తో మెప్పించిన జమ్వాల్

బాలీవుడ్ నటుడు విద్యుత్​ జమ్వాల్.. ​ ప్రధాని మోదీ పిలుపునిచ్చిన '9పీఎమ్ 9 మినిట్స్' కార్యక్రమాన్ని వినూత్నంగా ప్రయత్నించాడు. వెలిగించిన కొవ్వొత్తులను, కలరిపట్టు నైపుణ్యం ప్రదర్శించి ఆర్పివేశాడు.

బాలీవుడ్ నటుడు విద్యుత్​ జమ్వాల్​.. ప్రధాని నరేంద్ర మోదీ పిలుపునిచ్చిన '9 పీఎం 9 మినిట్స్' కార్యక్రమాన్ని వినూత్నంగా ఆచరించాడు. ముందుగా కొవ్వొత్తులను వెలిగించి, అనంతరం కలరిపట్టు నైపుణ్యంతో వాటిని తాకకుండా ఆర్పాడు. ఈ వీడియోను ఇన్​స్టాలో పంచుకున్నాడు. ఇది ప్రస్తుతం వైరల్​గా మారింది.

అభిమానుల ప్రశంసలు

ఈ వీడియోను చూసిన కొందరు అభిమానులు.. జమ్వాల్​పై ప్రశంసలు కురిపించారు. బాలీవుడ్​ మీ ప్రతిభ​ను ఎందుకు గుర్తించడం లేదని, ఏదో ఓ రోజు సినీ పరిశ్రమ మిమ్మల్ని గుర్తించి గర్వపడుతుందని ఓ అభిమాని అన్నాడు.

ఇదీ చదవండి:ఈ సారి ఈద్​కు సల్మాన్​ఖాన్ సినిమా కష్టమే!