విద్యుత్ జమ్వాల్ హీరోగా నటించిన బాలీవుడ్ చిత్రం 'జంగ్లీ'. ఈ సినిమాకు అంతర్జాతీయ అవార్డులు దక్కాయి. జాకీచాన్ అంతర్జాతీయ ఫిల్మ్ వీక్లో రెండు పురస్కారాలను ఈ చిత్రానికి ఎంపికచేసింది అవార్డు కమిటీ. బెస్ట్ యాక్షన్ సీక్వెన్స్, పోరాటాలకు ప్రత్యేక జ్యూరీ బహుమతిని ప్రదానం చేసింది.
"భారత్లోనే అన్ని పోరాట దృశ్యాలను చిత్రీకరించాం. ఈ సినిమా కోసం చాలా కష్టపడ్డాం. కొత్తగా ఏదైనా ప్రయత్నించి ఇతరులకు చూపిస్తే.. ఇది ఇంతకుముందు జాకీ చాన్ చేసేశాడుగా అనేవారు. ఈ అవార్డు దక్కడం గౌరవంగా భావిస్తున్నా. జ్యూరీకి ప్రత్యేక ధన్యవాదాలు" -విద్యుత్ జమ్వాల్, హీరో
ఏనుగు దంతాల రవాణాపై యువతను చైతన్య పరచడానికే 'జంగ్లీ' చిత్రాన్ని తీశామని తెలిపాడు విద్యుత్.