అటవీ అధికారిణిగా బాలీవుడ్​ నటి విద్యాబాలన్​

గతేడాది 'ఎన్టీఆర్​ కథానాయకుడు', 'మిషన్​ మంగల్'​తో ప్రేక్షకులను పలకరించిన బాలీవుడ్​ నటి విద్యాబాలన్​.. ఈ ఏడాది మరో రెండు చిత్రాల్లో కనిపించనుంది. అటవీశాఖ అధికారిణిగా, గణిత శాస్త్రజ్ఞురాలు శకుంతల జీవితకథల్లో నటించనుంది.

బాలీవుడ్​ కథానాయిక విద్యాబాలన్​ అటవీశాఖ అధికారిణిగా తెరపై కనిపించనుంది. వన్యప్రాణులపై కథాంశంతో తెరకెక్కనున్న కొత్త చిత్రంలో ఆమె ప్రధాన పాత్ర పోషించనున్నట్టు తెలుస్తోంది. కొన్ని వార్తల ప్రకారం.. 'అవ్ని' అనే ఆడపులిని చంపటం చూట్టూ ఈ కథ రూపొందుతోంది. అటవీ శాఖ అధికారుల సమాచారం ప్రకారం మహారాష్ట్రలో ఆడపులి 13 మందిని చంపినందుకు గానూ.. అవ్నిని 2018 నవంబర్‌లో షూటర్ కాల్చి చంపాడు.

అయితే, ఈ చిత్రం అవ్ని కేసు ఆధారంగా కాదని.. మనిషి-జంతు సంఘర్షణల ప్రధానాంశంగా రూపొందుతోందని ప్రచారం జరుగుతోంది. దీనిపై పూర్తి వివరాల కోసం అధికార ప్రకటన వచ్చే వరకూ వేచి చూడాల్సిందే. ఈ సినిమాకు టైటిల్​ను ఖరారు చేయలేదు. అబుండాంటియా ఎంటర్​టైన్మెంట్ పతాకంపై విక్రమ్ మల్హోత్రా నిర్మిస్తున్నారు. విద్యా బాలన్​ ఈ చిత్రం తర్వాత గణిత శాస్త్రజ్ఞురాలు శకుంతల దేవిపై తెరకెక్కే బయోపిక్‌లో కనిపించనుంది. ఈ చిత్రం మే 8 న విడుదల కానుంది.

ఇదీ చూడండి.. వైరల్​: సారా, కార్తీక్​ లెమన్​ స్పూన్​ డాన్స్​