బాలీవుడ్ నటి విద్యాబాలన్ ప్రధాన పాత్రలో నటించిన లఘుచిత్రం 'నట్ఖట్' అరుదైన గౌరవాన్ని దక్కించుకుంది. ఈ ఫిల్మ్ 2020 ఏడాదికి గానూ భారతీయ లఘు చిత్ర పురస్కారాల్లో విజేతగా నిలిచింది. ఈ విజయంతో .. ప్రతిష్ఠాత్మక ఆస్కార్ అవార్డుల పరిశీలనకు నేరుగా అర్హత సాధించింది. ఈ విషయాన్ని విద్యా ఇన్స్టా ద్వారా అభిమానులకు తెలియజేస్తూ.. తన ఆనందాన్ని వ్యక్తం చేసింది.
"నేను భాగమైన 'నట్ఖట్'.. 3వ భారత లఘు చిత్ర పురస్కారాల్లో విజేతగా నిలిచింది. అంతేకాదు.. ప్రతిష్ఠాత్మక ఆస్కార్ అవార్డుకు అర్హత సాధించింది." అని విద్యా బాలన్ రాసుకొచ్చింది.