హీరోలకు అభిమానులు ఉండటం సహజమే. ఆ అభిమానాన్ని మంచి మనసుతో అర్థం చేసుకునే కథానాయకులకు ఎప్పుడూ గుర్తింపు లభిస్తుంది. బాలీవుడ్ నటుడు రణ్వీర్ సింగ్ చేసిన ఇలాంటి పనికి ప్రస్తుతం ప్రశంసలు దక్కుతున్నాయి.
రణ్వీర్ సింగ్ నటిస్తున్న చిత్రం '83'. లండన్లో షూటింగ్ జరుపుకుంటోంది. అక్కడే ఓ కార్యక్రమానికి హాజరైన ఈ నటుడిని చూసేందుకు కొందరు భారతీయులు పోటీపడ్డారు. సెల్ఫీలు దిగేందుకు ఎగబడ్డారు. కానీ రణ్వీర్ మాత్రం ఆ గుంపులోనే తన కోసం ఎదురుచూస్తున్న ఓ వృద్ధురాలి వద్దకు వెళ్లి ఆప్యాయంగా పలకరించాడు. ఆమెకు గులాబీ ఇచ్చాడు.. తిరిగి ఆ అభిమాని రణ్వీర్కు ముద్దిచ్చింది. ప్రస్తుతం ఈ వీడియో నెట్టింట సందడి చేస్తోంది.