కరణ్​ పార్టీలో విమర్శలపై విక్కీ కౌశల్​ రియాక్షన్​

కరణ్​ జోహర్​ పార్టీకి హాజరైన బాలీవుడ్​ ప్రముఖులు డ్రగ్స్​ తీసుకున్నారంటూ వచ్చిన వార్తలపై స్పందించాడు విక్కీ కౌశల్​​. ఈ విషయం తనపై చాలా ప్రభావం చూపించిందన్నాడు.

డ్రగ్స్​ తీసుకున్నారంటూ తమపై వచ్చిన విమర్శలపై ఆవేదన వ్యక్తం చేశాడు విక్కీ కౌశల్​. ఈ విషయం తెలుసుకొని ఆశ్చర్యపోయానని, చాలా బాధపడ్డానని తెలిపాడు.

"ఈ వీడియో తీయడానికి ఐదు నిమిషాల ముందు వరకూ కరణ్​ వాళ్ల అమ్మ మాతోనే ఉన్నారు. పార్టీ అయిపోయాక ఇండియన్​ ఆర్మీతో గడపడానికి నేను అరుణాచల్​ ప్రదేశ్​ వెళ్లిపోయా. అక్కడ ఉన్న నాలుగు రోజులు సిగ్నల్​ లేకపోవడం వల్ల ఏం జరుగుతుందో తెలియలేదు. ఎంతో ఆనందంగా వచ్చిన నేను ట్విట్టర్​ చూసి ఆశ్చర్యపోయా. అప్పటికే ఈ విషయం సామాజిక మాధ్యమాల్లో వైరలయిపోయింది.
-విక్కీ కౌశల్, నటుడు

అసలేం జరిగింది?

బాలీవుడ్​ నటుడు, నిర్మాత కరణ్​ జోహర్​ గత నెలలో తన ఇంట్లో ఓ పార్టీ ఇచ్చాడు. ఇందులో బాలీవుడ్​ ప్రముఖులు దీపికా పదుకొనే, విక్కీ కౌశల్​, మలైకా అరోరా, అర్జున్​ కపూర్​, రణ్​బీర్​ కపూర్​ తదితరులు పాల్గొన్నారు. ఈ సందర్భంగా ఓ వీడియోను తీసి.. ట్విట్టర్లో పంచుకున్నాడు కరణ్​. ఈ విషయంపై భాజపా ఎమ్మెల్యే మనిజిందర్​ శిర్షా వీరంతా డ్రగ్స్​ తీసుకున్నారంటూ విమర్శిస్తూ ట్వీట్​​ చేశారు.

ఈ విమర్శలపై కరణ్ జోహార్​ స్పందించాడు.

"ఈ విమర్శలకు ఎలాంటి ఆధారాలు లేవు. అక్కడ ఉన్నవారంతా సొంతగా ఎదిగి పైకి వచ్చినవారే. ఒకవేళ వారంతా డ్రగ్స్​ తీసుకుని ఉంటే.. ఈ వీడియో నేనెందుకు మీ అందరితో పంచుకుంటా.. నేనేమైనా తెలివి తక్కువ వాడినా ?" - కరణ్ జోహర్, నిర్మాత

ఈ విషయంపై నెటిజన్లు తీవ్రంగా స్పందించారు. "చూడండి వారు డ్రగ్స్​ తీసుకుంటున్నారు"... "వాళ్లంతా నటులు.. వారికి డ్రగ్స్​ అలవాటు ఉంది"... "వాళ్లకెంత ధైర్యం డ్రగ్స్​ తీసుకోవడానికి..." అంటూ విమర్శలు వచ్చాయి.

ఇదీ చూడండి: మంచు విష్ణు 'ఫ్యామిలీ ప్యాక్'