కత్రినాతో నిశ్చితార్థం.. విక్కీ మాట ఇదే

బాలీవుడ్ స్టార్ విక్కీ కౌశల్​- నటి కత్రినా కైఫ్​(Vicky Katrina Engagement) ప్రేమలో ఉన్నారని, వారిద్దరికీ నిశ్చితార్థం కూడా జరిగిందంటూ కొంతకాలంగా ప్రచారం సాగుతోంది. తాజాగా దీనిపై స్పందించిన విక్కీ ఏమన్నారంటే..

బాలీవుడ్ యువనటుడు విక్కీ కౌశల్(Vicky Kaushal News).. ప్రస్తుతం హిందీ చిత్రసీమలో విలక్షణ కథలతో దూసుకెళ్తున్నారు. బాలీవుడ్ బార్బీ కత్రినా కైఫ్​తో(Vicky Katrina relationship) ఆయన ప్రేమయాణం సాగిస్తున్నట్లు ప్రచారం సాగుతోంది. గతంలో వీరిద్దరికీ ఎంగేజ్​మెంట్​ కూడా జరిగినట్లు రూమర్స్​ వచ్చినప్పటికీ వాటిని కొట్టిపారేశారు విక్కీ సోదరుడు సన్నీ కౌశల్​.

తాజాగా దీనిపై స్పందించిన విక్కీ.. త్వరలోనే తన నిశ్చితార్థం జరుగుతుందని చెప్పారు. అయితే కత్రినాతోనేనా అనేది క్లారిటీ ఇవ్వలేదు! విక్కీ నటించిన కొత్త సినిమా 'సర్దార్​ ఉద్ధమ్'. దీని​ ప్రమోషన్స్​లో పాల్గొన్న ఆయన్ను.. 'కత్రినాకైఫ్​తో మీకు ఎంగేజ్​మెంట్​ జరుగుతుందని ప్రచారం సాగుతోంది. ఎప్పుడు చేసుకుంటున్నారు?' అని ఓ విలేఖరి అడిగారు. "మీ స్నేహితులే ఈ వార్తను ప్రచారం చేస్తున్నారు(నవ్వుతూ). త్వరలోనే సరైన సమయం చూసి ఎంగేజ్​మెంట్​ చేసుకుంటాను. ఆ టైమ్​ త్వరలోనే వస్తుంది" అని అన్నారు.

2019 నుంచి విక్కీ-కత్రినా(Vicky Kaushal engagement) ప్రేమలో ఉన్నారని ఊహాగానాలు వినిపిస్తున్నాయి. అయితే దీనిపై వీరిద్దరూ ఎలాంటి స్పందన ఇవ్వలేదు.

​కొంతకాలం క్రితం విక్కీ కౌశల్-కత్రినా కైఫ్(Vicky Kaushal Katrina Kaif) ప్రేమ వ్యవహారంపై స్పందించాడు నటుడు హర్షవర్ధన్ కపూర్. ఈ జంట ప్రేమలో ఉన్నది నిజమేనని చెప్పాడు​. 'సినీ ఇండస్ట్రీలో నిజమైన రిలేషన్​షిప్​ ఎవరిది?' అని అడిగిన ప్రశ్నకు 'విక్కీ, కత్రిన కలిసున్నారనేది నిజం' అని బదులిచ్చాడు. తక్షణమే 'ఇది చెప్పినందుకు నేనేమైనా ఇబ్బందుల్లో పడతానా?' అని అన్నాడు.

ఇదీ చూడండి: విక్కీ-కత్రినా కైఫ్​ ఎంగేజ్​మెంట్.. నిజమెంత?