సూపర్ హిట్హాలీవుడ్ చిత్రం 'టెర్మినేటర్' సిరీస్ నుంచి త్వరలో మరో సినిమా రాబోతోంది. దీన్ని ప్రజల్లోకిమరింతగా తీసుకెళ్లేందుకు విజయ్దేవరకొండ చేతుల మీదుగా తెలుగు ట్రైలర్ను ఆవిష్కరించింది నిర్మాణ సంస్థ. హైదరాబాద్ వేదికగా బుధవారం ఈ వేడుక గ్రాండ్గా జరిగింది.
టెర్మినేటర్ సిరీస్లో ఆరో చిత్రంగా రానుంది 'టెర్మినేటర్ డార్క్ ఫేట్'. ఇటీవలే విడుదలైన ఇంగ్లీష్ ట్రైలర్ యూట్యూబ్లో అత్యధిక వీక్షణలతో దూసుకెళ్తోంది. ప్రముఖ దర్శక, నిర్మాత జేమ్స్ కేమరూన్ ఈ సినిమాకు నిర్మాత. 'డెడ్‌పూల్' ఫేం టిమ్ మిల్లర్ దర్శకుడు.
'టెర్మినేటర్ డార్క్ఫేట్' ట్రైలర్ వేడుకలో విజయ్ దేవరకొండ ఇందులో మెకంజీ డేవిస్, నటాలియా రేయిస్, గాబ్రియేల్ లూనాతో పాటు యాక్షన్ హీరో ఆర్నాల్డ్ ష్వార్జ్ నెగ్గర్, లిండా హామిల్టన్ ముఖ్య పాత్రల్లో కనిపించనున్నారు. ఈ సినిమా నవంబర్ 1న ప్రపంచవ్యాప్తంగా విడుదల కానుంది. దక్షిణాదిన తెలుగుతో పాటు కన్నడ, తమిళ భాషల్లో సందడి చేయనుందీ చిత్రం.
ప్రస్తుతం విజయ్ దేవరకొండ 'వరల్డ్‌ ఫేమస్‌ లవర్‌' సినిమాలో నటిస్తున్నాడు. క్రాంతి మాధవ్‌ దర్వకుడు. అంతేకాకుండా పూరీ జగన్నాథ్‌ దర్శకత్వంలో విజయ్ ఓ సినిమా చేయనున్నాడు. అంతేకాకుండా 'పెళ్లి చూపులు' దర్శకుడు తరుణ్‌ భాస్కర్‌ కథానాయకుడిగా పరిచయం అవుతున్న చిత్రం 'మీకు మాత్రమే చెప్తా'. ఈ సినిమాకు విజయ్ నిర్మాతగా వ్యవహరిస్తున్నాడు.
