దయచేసి వ్యాక్సిన్​ వేయించుకోండి: హేమమాలిని

కరోనా కట్టడికై ప్రతిఒక్కరూ జాగ్రత్త చర్యలు తప్పకుండా పాటించాలని విజ్ఞప్తి చేశారు బాలీవుడ్​ ​సీనియర్ నటి, భాజపా ఎంపీ హేమమాలినీ. అందరూ వ్యాక్సినేషన్​ వేయించుకోవాలని పిలుపునిచ్చారు.

కరోనాపై ప్రజల్లో అవగాహన కల్పించేందుకు పలువురు సినీ, రాజకీయ ప్రముఖులు ముందుకొస్తున్నారు. జాగ్రత్త చర్యలు పాటించాలని, వ్యాక్సిన్​ తీసుకోవాలని సూచిస్తున్నారు. ఈ క్రమంలోనే బాలీవుడ్​ సీనియర్​ నటి, భాజపా ఎంపీ హేమమాలిని ప్రజలకు ఓ సందేశం ఇచ్చారు. ప్రతిఒక్కరూ కరోనా నిబంధనల్ని పాటించాలని విజ్ఞప్తి చేశారు. టీకా కూడా వేయించుకోవాలని పిలుపునిచ్చారు. తాను రెండు డోసులు స్వీకరించినట్లు వెల్లడించారు.

"కరోనాను ఎదుర్కోవడంలో భాగంగా మనమందరం టీకా వేయించుకోవాలి. ప్రతిఒక్కరూ వ్యాక్సిన్​ వేయించుకోవాలని కోరుకుంటున్నా. ముఖ్యంగా నా నియోజకవర్గంలోని రైతులందరూ దయచేసి వీలైనంత త్వరగా వ్యాక్సిన్​ తీసుకోండి" అని అన్నారు.