బాలీవుడ్ సీనియర్ నటుడు చంద్రశేఖర్(98)(Chandrasekhar) బుధవారం కన్నుమూశారు. ఈ విషయాన్ని ఆయన కుమారుడు, నిర్మాత అశోక్ శేఖర్ వెల్లడించారు. ఉదయం 7 గంటల సమయంలో నిద్రలోనే శ్వాస విడిచినట్లు తెలిపారు. ఎలాంటి ఆరోగ్య సమస్యలు లేవని చెప్పారు. ఆయన మృతి పట్ల పలువురు సినీప్రముఖులు సంతాపం తెలియజేస్తున్నారు.
'రామాయణ్' సీరియల్ నటుడు కన్నుమూత - బాలీవుడ్ సీనియర్ నటుడు మృతి
'రామాయణ్' సీరియల్ ఫేమ్ నటుడు చంద్రశేఖర్ తుదిశ్వాస విడిచారు. ఆయన మృతి పట్ల సినీ ప్రముఖులు సంతాపం వ్యక్తం చేస్తున్నారు. కెరీర్లో మొత్తంగా 250 సినిమాల్లో నటించి, అభిమానుల్లో మనసులో చోటు సంపాదించారు.
రామాయన్
చంద్రశేఖర్.. హైదరాబాద్లో జన్మించారు. 1950లో చిత్రసీమలో అడుగుపెట్టారు. 1954లో 'సురంగ్'తో సినిమాల్లోకి అరంగేట్రం చేశారు. 'కవి', 'మస్తానా', 'బసంత్ బహార్', 'కాలి టోపీ లాల్ రుమాల్', 'బర్సాత్ కి రాత్' వంటి సూపర్ హిట్ చిత్రాల్లో నటించారు. ప్రముఖ ధారావాహిక 'రామాయణ్'లోని(Ramayan) ఆర్య సుమంత్ పాత్రతో ఆయనకు ప్రత్యేక గుర్తింపు లభించింది. మొత్తంగా కెరీర్లో దాదాపు 250కు పైగా చిత్రాలు చేశారు. ఈయనకు ముగ్గురు పిల్లలు.
ఇదీ చూడండి: అద్దెకు సుశాంత్ ఫ్లాట్.. ధర ఎంతంటే?