టాలీవుడ్ యంగ్ హీరో నిఖిల్.. 'అర్జున్ సురవరం'గా ప్రేక్షకుల్ని పలకరించేందుకు సిద్ధమయ్యాడు. గతేడాది నుంచి అనేక విడుదల తేదీలను మార్చుకుంటూ వస్తోన్న ఈ చిత్రానికి ఎట్టకేలకు ఓ పర్‌ఫెక్ట్‌ ముహూర్తం దొరికింది. నవంబరు 29న ఈ మూవీని ప్రపంచవ్యాప్తంగా విడుదల చేయబోతున్నారు. అయితే ఇదే విషయాన్ని ప్రముఖ హాస్య నటుడు వెన్నెల కిశోర్‌కు చెప్తే అసలు నమ్మట్లేదు. ఎందుకలా అంటే.. ఇప్పటికే చాలాసార్లు ఈ మాటలు విని విని విసిగిపోయాడు కాబట్టి నిఖిల్ చెప్తున్నా దాన్ని చాలా లైట్‌గా తీసుకుని వదిలేస్తున్నాడు వెన్నెల.
తాజాగా దీనికి సంబంధించిన వీడియోను ట్విట్టర్‌ వేదికగా అభిమానులతో పంచుకుంది చిత్ర బృందం. డబ్బింగ్‌ స్టూడియో నుంచి బయటకొస్తున్న వెన్నెలకు 'అర్జున్ సురవరం' ఈనెల 29న రాబోతున్నట్లు నిఖిల్ చెప్పడం.. దాన్ని అతడు ఏమాత్రం పట్టించుకోకుండా ముందుకు వెళ్లిపోవడం. టిక్‌టాక్‌ల మీద ఒట్టు భయ్యా అని ఆఖర్లో నిఖిల్ ఒట్టేసి చెప్పడం వంటి సన్నివేశాలతో వీడియో ఆద్యంతం నవ్వులు పూయిస్తోంది.