ఉగాది కానుకగా 'వెంకీమామ' లోగో విడుదల

తెలుగు తెరపై మరో మల్టీస్టారర్​గా రాబోతున్న చిత్రం వెంకీమామ.  ఈ సినిమాలో నటిస్తున్న  వెంకటేశ్​, నాగ చైతన్యలు నిజ జీవితంలోనూ మామా అల్లుళ్లు కావడం వల్ల సినిమాపై భారీ అంచనాలున్నాయి. అయితే ఉగాది సందర్భంగా మూవీకి సంబంధించిన టైటిల్ లోగోను విడుదల చేసింది చిత్రబృందం.

ద‌గ్గుబాటి వెంక‌టేశ్, అక్కినేని నాగ చైత‌న్య ప్ర‌ధాన పాత్ర‌ల్లో నటిస్తోన్న చిత్రం వెంకీమామ. ఈ సినిమా రాజమండ్రిలో మొదటి షెడ్యూల్‌ను పూర్తి చేసుకుంది. రెండో షెడ్యూల్‌ ఏప్రిల్‌ 8న ప్రారంభం కాబోతోంది. తాజాగా ఈ సినిమాకు సంబంధించిన టైటిల్ లోగో విడుదలైంది.

• కామెడీ జానర్​లో తెరకెక్కుతోన్న ఈ చిత్రంలో వెంకీ సరసన పాయల్ రాజ్​పుత్ , చైతన్యకు జోడీగా రాశీ ఖన్నా నటిస్తున్నారు. బాబీ దర్శకత్వంలో కోనా కార్పొరేష‌న్‌, సురేష్ ప్రొడ‌క్ష‌న్స్‌, పీపుల్ మీడియా ఫ్యాక్ట‌రీ సంయుక్తంగా ఈ సినిమాను నిర్మిస్తున్నాయి. సంగీత దర్శకుడు తమ‌న్ బాణీలు సమకూర్చాడు.

ద‌స‌రాకు ఈ చిత్రాన్ని విడుదల చేయాల‌ని చిత్రబృందం సన్నాహాలు చేస్తోంది. ద‌గ్గుబాటి రానా సైతం నటించే అవకాశముందని ఊహాగానాలు వినిపిస్తున్నాయి.