అన్ని వర్గాల ప్రేక్షకులను మెప్పించిన అగ్రనటుడు వెంకటేశ్ కలియుగ పాండవులు చిత్రంతో వెండితెరకు పరిచయం అయ్యాడు. తొలి చిత్రంతోనే భారీ విజయాన్ని అందుకున్నాడు వెంకటేశ్. వెంకటేష్‌ మొదటి సినిమా కావడం వల్ల దర్శకుడు రాఘవేంద్రరావు ప్రత్యేక శ్రద్ధ తీసుకున్నాడు. ముఖ్యంగా హీరో పాత్రను కాస్త వైవిధ్యంగా తీర్చిదిద్దాడు. తొలి సన్నివేశాల్లో నెగెటివ్‌ షేడ్స్‌ ఉండేలా చూపించి, ఆ తర్వాత మారిన కథానాయకుడిని చూపించాడు.
ఈ చిత్రం క్లైమాక్స్లో హీరోని అతని స్నేహితుల బృందాన్ని బంధించి రాబందులతో పొడిపించే సన్నివేశం ఉంది. అందుకోసం ఫైట్‌మాస్టర్‌ విజయన్‌ నిజమైన రాబందులను తీసుకొచ్చాడు. అందులో ఒకటి వెంకటేశ్ మెడపై పొడుస్తున్నట్లు కనిపించడానికి వెనకవైపు చెక్క ముక్క పెట్టి ,దానికి మాంసం గుచ్చారట. రాబందు మాంసాన్ని పొడిచి తింటుంటే, అవి తననెక్కడ పొడుస్తాయోనని వెంకటేష్‌ కాస్త భయపడ్డారట.