మెగా కుటుంబంలో త్వరలో పెళ్లి భాజాలు మోగనున్నాయి. నటుడు నాగబాబు కుమార్తె నిహారిక వివాహం ఈ ఏడాది చివర్లో జరగనుంది. ఇటీవల నిశ్చితార్థంతో ఒక్కటైన నిహారిక-చైతన్య పెళ్లి గురించి తాజాగా నాగబాబు ఓ ఆంగ్ల పత్రికకు ఇచ్చిన ఇంటర్వ్యూలో వెల్లడించారు.
"నిహారిక పెళ్లి విషయంలో మేమెంతో సంతోషంగా ఉన్నాం. కరోనా వైరస్‌ కారణంగా ఈ ఏడాది ఎంతో క్లిష్టంగా మారింది. ఇలాంటి కఠిన సమయం నుంచి కొంతవరకూ బయటకు వచ్చేలా కుటుంబంలో శుభకార్యం జరగడం ఎంతో ఆనందంగా అనిపిస్తోంది. పెళ్లికి సంబంధించిన ఏర్పాట్లను నా కుమారుడు వరుణ్‌తేజ్‌ చూసుకుంటున్నాడు. డిసెంబర్‌ నెలలో నిహారిక-చైతన్య డెస్టినేషన్ వెడ్డింగ్ జరగనుంది. పెళ్లి తేదీని త్వరలోనే అందరికీ తెలియజేస్తాం. వెడ్డింగ్‌కు సంబంధించి వరుణ్‌ ఇప్పటికే కొన్ని ప్రాంతాల పేర్లతో లిస్ట్‌ సిద్ధం చేశాడు."