మెగా హీరో వరుణ్తేజ్ ప్రధానపాత్రలో తెరకెక్కుతోన్న చిత్రం 'గని'. కిరణ్‌ కొర్రపాటి దర్శకత్వం వహిస్తున్న ఈ చిత్రంలో వరుణ్ ఓ బాక్సింగ్ క్రీడాకారుడిగా నటిస్తున్నాడు. ఫస్ట్‌లుక్‌ మోషన్‌ పోస్టర్‌ ఇప్పటికే విడుదలైంది. కరోనా ఆంక్షలు సడలించిన నేపథ్యంలో జులై నుంచి క్లైమాక్స్ చిత్రీకరించనున్నట్లు చిత్రబృందం ఇటీవలే ప్రకటించింది. దీంతో షూటింగ్ కోసం వరుణ్ తేజ్ జిమ్లో చెమటోడుస్తున్నాడు. దానికి సంబంధించిన వీడియోను సోషల్మీడియాలో పంచుకున్నాడు.
తేజా సజ్జా కొత్త చిత్రం
యువ కథానాయకుడు తేజా సజ్జా, శివాని రాజశేఖర్ జంటగా ఓ చిత్రంలో నటిస్తున్నారు. ఆ సినిమా టైటిల్తో పాటు ఫస్ట్లుక్ను జులై 1న మధ్యాహ్నం 12.24 గంటలకు నేచురల్ స్టార్ నాని విడుదల చేయనున్నట్లు చిత్రబృందం ప్రకటించింది.
'పొగరు' ట్రైలర్
ధ్రువ్‌ సార్జా, రష్మిక జంటగా నటించిన 'పొగరు' చిత్రం మరోసారి సందడి చేసేందుకు సిద్ధమైంది. ఈ ఏడాది ప్రారంభంలో థియేటర్లలో విడుదలైన ఈ సినిమా ఇకపై డిజిటల్‌ మాధ్యమంలో అలరించనుంది. ప్రముఖ ఓటీటీ ఆహా వేదికగా జులై 2 నుంచి స్ట్రీమింగ్‌ కానుంది. ఈ సందర్భంగా ట్రైలర్ విడుదలైంది. యాక్షన్‌ ఘట్టాలతో, భావోద్వేగ సన్నివేశాలతో, భారీ సంభాషణలతో ఆద్యంతం ఆసక్తిగా సాగింది ఈ ప్రచార చిత్రం. నాయకానాయికల నటన ఆకట్టుకుంటోంది.