లాక్​డౌన్​పై వరుణ్ ధావన్ ర్యాప్​

కరోనాపై పోరుకు మద్దతుగా తమవంతు సాయం చేస్తున్నారు సెలిబ్రిటీలు. బాలీవుడ్ నటులు కూడా అవగాహన కల్పించేందుకు ముందుకొస్తున్నారు. తాజాగా యువ నటుడు వరుణ్ ధావన్ లాక్​డౌన్​పై​ ఓ ర్యాప్​ సాంగ్​ను రూపొందించాడు.

కరోనా మహమ్మారిపై అవగాహన కల్పించేందుకు సెలిబ్రిటీలు తమవంతు తోడ్పాటు అందిస్తున్నారు. తాజాగా బాలీవుడ్ యువ నటుడు వరుణ్ ధావన్ కరోనాపై ఓ ర్యాప్ సాంగ్​ను రూపొందించాడు. దీనిని సామాజిక మాధ్యమాల్లో షేర్ చేశాడు.

ప్రధానమంత్రి మోదీ కరోనా గురించి ప్రజలనుద్దేశించి ప్రసంగించిన మాటలతో ఈ వీడియో ప్రారంభమైంది. ఇందులో షారుఖ్ ఖాన్, ఐశ్వర్యారాయ్ జంటగా నటించిన 'దేవదాస్'​కు సంబంధించిన సన్నివేశాలతో పాటు లాక్​డౌన్​ సన్నివేశాలు కనిపిస్తున్నాయి.

ఇంట్లోనే ఉండండి.. సురక్షితంగా ఉండండి అంటూ క్యాప్షన్ ఇచ్చాడు వరుణ్. అలాగే సంగీత దర్శకుడు తనీషా బాగ్చీకి కృతజ్ఞతలు చెప్పాడు. ఈ వీడియో షేర్ చేయగానే అభిమానుల నుంచి ప్రశంసలు దక్కాయి.